ERRONKA Ekonomia garapena - govtech

TESTUINGURUA ETA AURREKARIAK

---

Ekonomia Garapenaren eta Berrikuntzaren Zuzendaritzak, Arabako Foru Aldundiko Ekonomiaren Garapenaren eta Jasangarritasunaren Sailaren barruan (aurrerantzean, AFA), lurraldeko garapen teknologikoa, berrikuntza eta enpresa lehiakortasuna bermatzea du lehentasuntzat, sustapen ekonomikoaren eta enpresa lankidetzaren bidez.

AFAk erabat ezagutzen eta erregistratuta ditu sailak sustatutako eta ekosistema ekintzaileko beste eragile batzuekin lankidetzan laguntza- eta dirulaguntza-programetan parte hartzen duten Arabako enpresa emergente guztiak. Hala ere, lurraldeko ekosistema ekintzaileak atomizatuta jarraitzen du, eta horrek azpimarratzen du ekosistema hori sendotzeko eta Arabako ekintzaileen artean lankidetza sare sendo bat sustatzeko beharra.

Erronka horren bidez, hainbat teknologia erabili nahi dira, ekintzaileen arteko lotura eta lankidetza ahalbidetzeko (enpresa emergenteak, startupak, scaleupak, ikertzaileak, etab.), lankidetza sareak ehuntzeko eta lehia balio handiko komunitate ekintzaile bat sortzeko.

 

 

HELBURU ESPEZIFIKOAK

---

• Lurraldeko enpresen eta ekintzaileen artean lankidetza bideak ezartzea, lankidetza bultzatzeko eta ekosistema indartzeko.
• Lurraldeko enpresa eta pertsona ekintzaileen artean elkarrizketak eta sinergiak sortzea, interes, produktu edo zerbitzu osagarriekin.

 

 

IRIZPIDE ESPEZIFIKOAK. ZER EGIN BEHAR DU IRETENBIDEAK?

---

• Pertsona eta enpresa ekintzaileen arteko loturak eta harremanak ahalbidetu eta erraztuko dituen beharrezko funtzionaltasuna izatea, komunitate ekintzailearen interes eta beharrei jarraiki.
• Irisgarritasun- eta erabilgarritasun-estandarrak bermatzea.
• Eskalagarria izatea eta merkatuan hazteko ahalmena izatea.
• Erraz inplementatu eta probatzea.
• Datuak babesteko politika betetzea.

 

 

NORENTZAT DA?

---

GovTech Araba programaren barruko erronkak oinarri teknologikoko Arabako enpresa emergenteei zuzenduta daude, irtenbide berritzaileak eskaintzeko gai direnei.

Oinarri teknologikoko enpresa emergentea dela ulertzen dugu Arabako Foru Aldundiaren eskumenen eremuan ezar daitezkeen irtenbide digitalak dituzten lurraldeko startup, scaleup eta ETE guztiak.

 

 

ZEINTZUK DIRA PARTE HARTZEAREN ONURAK ETA AUKERAK?

---

Lurraldeko startup, scaleup edo ETE teknologiko bat bazara eta erronkaren irabazle gisa hautatuta geratzen bazara, irtenbidea elkarrekin sortzeko eta probatzeko espazio bat izango duzu eskura, Enplegu, Merkataritza eta Turismo Sustapenaren Zuzendaritzako taldearekin batera, 4 hilabetez, 15.000 eurorainoko kontratuarekin (gehi BEZa).

Gainera, hiru enpresa finalistek Arabako HUBen esparruko hainbat jardueratan parte hartuko dute: prestakuntza bootcamp bat, Pitch saio bat AFAko funtzionarioen aurrean, eta mentorizazio zerbitzuen programa bat, administrazio publikoarekiko merkataritza hurbilketa hobetzera bideratua.

 

 

HURRENGO URRATS ETA MUGARRI NAGUSIAK

---

• Azaroa: Deialdiaren itxiera eta Programaren webgune ofizialean izena emanez proposamenak aurkezteko epearen amaiera 2024/11/25ean.
   
• Azaroa-Abendua:
  • 3 soluzio teknologiko finalisten aukeraketa.
  • Enpresa finalistei elkarrizketen garapena, Ebaluazioa Batzordearekin batera, eta soluzio teknologiko finalistaren aukeraketa.
     
• Urtarrila: Kontratuaren sinadura eta 4 hilabeteko pilotuaren hasiera.
   
• Urtarrila-Maiatza: Enpresa finalistentzat HUBaren jarduerak, honako hauek barne dituztenak: prestakuntza Bootcamp bat, mentorizazio saioak, Pitch-a AFAko funtzionarioen aurrean eta mahai tematikoak korporazioekin.
   
• Maiatza: Pilotuaren amaiera eta horren adierazleen, emaitzen eta ikasitako lezioen berrikuspena.
   
• Ekaina: Kontratazio publikoaren (lizitazioa) bidez soluzioak izan dezakeen eskalagarritasunaren azterketa.