Bigarren edizioa itxi ondoren, GovTech Araba Programak lurraldean duen eragina indartu du eta irailean edizio berria prestatzen ari da - govtech

Pilotuen bigarren zikloa amaitu ondoren, GovTech Araba hurrengo edizioa prestatzen ari da jada, eta irailean hasiko da, Arabako ekosistema ekintzailearen berrikuntza Administrazio Publikora hurbiltzen jarraitzeko lan-esparru berriekin. Programak lankidetza publiko-pribatuaren aldeko apustua egiten jarraituko du, tokiko talentua bultzatzeko, benetako proba-inguruneak haien eskura jartzeko eta lurraldeko zerbitzu publikoak hobetzen laguntzeko.

Zikloaren itxiera horri esker, esperimentazioan eta etengabeko ikaskuntzan oinarritutako lan-eredu bat finkatu da, eta askotariko proiektuei heldu zaie, bai tipologiari dagokionez, bai aplikazio-eremuari dagokionez. Hilabete hauetan software- eta hardware-soluzioekin lan egin da kulturatik hasi eta larrialdien kudeaketaraino doazen sektoreetan, eta horrek programaren esperientzia globala aberastu eta haren irismena zabaldu du.

Edizio honen balantzeak ikaskuntza multzo garrantzitsu bat uzten du: startupen eta Administrazioaren arteko lankidetza, benetako lan-inguruneetara egokitzea, konponbideak elkarrekin sortzea eta iteratzeko beharra. Ezagutza horiek oinarri izango dira GovTech eredua aldatzen jarraitzeko eta tokiko enpresa-ehunean eta zerbitzu publikoen eskaintzan inpaktua sortzeko gaitasuna indartzeko.

Hurrengo deialdiari begira, GovTech Arabak lanean jarraituko du lurraldeko ekosistema berritzailea indartzeko eta bere ekimenen irismena zabaltzeko. Ikasturte berrian ikusiko ditugu edizio berriko nobedadeak, erronka estrategiko berriak eta lankidetza-aukerak txertatuko baitira. 

Ez galdu hurrengo edizioari buruzko xehetasunik!